حبيبى جيت بعد غياب انتظرتك عمر كامل
وجتلي وانا كنت بستناك
يافرحه تملي القلب سعادة يابهجه تملي قلوبنا بكل حب
جيت حبيبي وانت عارفني كنت ليالي بحكي معاك ويقولوا عليه مجنونه بحكي وانت مش سامع
وانت ياعمري سامعني وعارفني وعارف حتي حضني جيت ياعمري تصحي فيا عمر ضاع
حسه معاك انك حته مني وانك هتكون ليه سند صحيح ابن بنتي لكن كل حبى وصل ليك وانت لسه ماشفت الدنيا
دلوقت بين ايديا وبتنام على دقات قلبي
بترتاح ياعمري وبيرتاح قلبي وانت فى حضنى
مليت الحياة سعادة وفرحة بوجودك
صحيت جوانا فرحة كنا نسينا طعمها جيت غيرت الكون ومليت الدنيا بكل طعم ولون خليتنا نحب الحياة وننسى كل تعب واه بوجودك
عرفت فى حضنك معنى مينفعش يتوصف بكل معانى الكلمات ولا اتكتب فى شعر ونغمات انت النبضه اللى صحت فيا كل حاجه حلوه فكر
بتمنالك كل سعادة كل ثانيه ولكل يوم
تكبر فيه وتكبر وتكون اجمل قلب يانن عين تاتا
بقلمي الشاعرة د سحر حليم أنيس
سفيرة السلام الدولي
31/7/2024
ليست هناك تعليقات:
إرسال تعليق